ما هي الطريقة الصحيحة لتنظيف فتحة الشرج وخاصة للنساء؟

  المنديل المسحور قصة .زواجى من ابنة عمى  قصة  حقيقية

سر المنديل المسحور قصة .زواجى من ابنة عمى  قصة  حقيقية

اخيرا قررت اطلب ايد مريم بنت عمي مش هينفع اسكت اكثر من كده لازم اعبر لها 

عن حبي انا كبرت وهي كمان كبرت وعرسانها كمان كثروا  اوي بصراحه مش 

عارف هي بتحبني زي ما بحبها ولا لا....!

 اصل انا مش زي بقيت الشباب اللي بتجذب البنات ودائما البنت بتنجذب للشاب 

الوسيم و انا للاسف حظى قليل شويه في الوسامه بس الاكيد ان ما فيش حد في 

حياتها احنا متربيين مع بعض و عارف تربيتها كويس جدا ..

انا ومريم ساكنين في بيت واحد انا في الدور الثاني وهي في الدور الثالث يعني 

بنشوف بعض يوميا هي اصغر مني باربع سنين وبيننا ذكريات كتير جدا وفي وسط 

الذكريات في مشاعر حلوه كبرت معانا وهي مشاعرى تجاه مريم ..

انا لازم اجهز بسرعه مريم قربت تيجي من الكليه مريم في سنه رابعه كليه تجاره 

دخلتها بعد اقنعتها بيها اصل انا كمان خريج تجاره لبست اكثر طقم مريم بتحبه و 

نزلت تحت البيت استناها ما انا عارف ميعادها في احساس غريب اوي جوايا يا 

ترى هعرف اتكلم معاها ..

وصلت مريم في ميعادها بالدقيقة اتفاجئت لما لقيتني تحت البيت ضحكت وقالت لي 

ايه ده يا ماجد غريبه غريبه انك صاحي في الوقت ده كان عندها حق تستغرب انا 

فعلا بكون نايم في الوقت دة ..

 قلت لها بتوتر انا مستنيكى مخصوص قالت لي خير يا ماجد انت كويس قلت لها 

بفرحه هابقى كويس لو وافقتى على طلبى قالت لي بحب انا عيني ليك ابتسامتها 

خطفت قلبي زي كل مره اتشجعت و قلت لها..

 انا باحبك قوي يا مريم و نفسي نكمل حياتنا مع بعض اتكسفت قوي لدرجة ان وشها 

 احمر جريت بسرعه من قدامي وفي ثواني اختفت وطلعت على شقتها كنت متوقع 

طبعا رد فعلها اي بنت في مكانها كانت هتعمل كده .

عدى يومين عليا و انا على اعصابي مريم اختفت تماما معقول كل ده بتفكر.. بتفكر 

ليه ما هي عارفه عنى كل حاجه .. مافيش قدامي حل غير انى استنى استنى لغايه 

لما اشوف اخرتها معاها ..

ايه وفي اليوم الثالث جاءت لي منها رساله روحي ردت فيا من قبل حتى ما افتحها 

بس لما فتحتها روحي راحت مني ثاني تقريبا كانت اصعب رساله جاءت لي في 

حياتي ..

 كان مكتوب فيها انا اسفه يا ماجد مش هاقدر اوافق على طلبك انا باحبك اه بس زي 

اخويا حسيت بكسره غريبه قوي اول مره احس بيها ما توقعتش ابدا انها هتقول لي 

كده مش عارف كنت جايب الثقة دى منين اصلا عمري ما لما لمحت لى بحاجة  انا 

اللي كنت معشم نفسي على الفاضي....

 حاولت انساها بأى شكل بس للاسف ما عرفتش دى عايشه معايا في نفس البيت و 

سبحان الله القدر كان بيجمعني بيها باستمرار يمكن اكثر من الاول كمان كنا بنتجمع 

مع بعض كثير بس مش بتتكلم نهائي خلاص مبقاش ينفع نرجع زي الاول موقفنا بقى 

حساس جدا كنت تايه دائما في الشغل ....

انا مش زعلان عشان رفضتني انا زعلان على حياتي عشان مريم مش هتبقى فيها 

وفي عز حزني وتوهاني ربنا بعث لي طوق نجاة من عنده بصراحه مش عارف اللي 

عملته ده صح ولا غلط بس ما كانش قدامي حل غيره ..

 و طوق النجاه كان هيثم صاحبي لما شافني في مره حزين ومخنوقه قاللى في ايه 

حكيت له عن كل اللي جوايا كنت محتاج اتكلم واخرج اللي في قلبي سمعنى للاخر 

وبعدها قال لي واللي يحل لك مشكلتك تعمل له ايه بصيت له بيأس   وقلت له مشكلتي 

ملهاش حل الحب مش بادينا ..

 قال لي بتحدي والله عندي حل لمشكلتك  ولو مش مصدقني جرب بنفسك ومش 

هتخسر حاجه كان لازم انتبه  لكلامه اكثر من كده هيثم كان بيتكلم بثقة غريبه قلت له 

حل ايه ده يا هيثم قال لي هوديك عند واحد انما ايه بركه حكيم روحاني ما فيش منه 

محدش راح له الا ورجع مجبور الخاطر ..

قطعت الكلام وقلت له لا طبعا هو انت مجنون ولا ايه انا ماليش فى جو الدجل 

والشعوذه ده رد عليا وقال لي دجل ايه يا عم انت بس ده عم حكيم ده قريب اوي من 

ربنا وبيصلي كل صلاه في المسجد وكمان مش بياخد فلوس من حد تعالى نروح 

وانت تشوف بنفسك ..

 فضلت افكر في كلام هيثم اسبوع بحاله معقول يكون صادق فى اللي بيقولوا طب 

وفيها ايه لما اجرب اشوف بنفسي انا مش صغير وما حدش هيضحك على وبالفعل 

قلت له انا موافق ورحنا عند عم حكيم اللي فعلا غير لي حياتي 360درجة ..

المشوار كان بعيد جدا سفر بالعربيه لمده 4 ساعات واول لما وصلنا اتصدمت من 

المكان كانت قرية  بسيطة  اوي وبيت عم حكيم كان ابسط وابسط كنت متردد جدا 

مش عارف اكمل ولا ارجع وفي النهايه .. قررت اكمل كنت خائف اوي لا مش 

خايف كنت مرعوب ... 

واول لما دخلنا عنده هيثم جرى و سلم عليه كنت واقف بعيد ببص بس اكتشفت من 

سلام هيثم عليه انه كفيف وفجاه هيثم قال لي تعال سلم يا ماجد قرب قرب .. قربت 

واول لما بقيت قدامه مديت ايدي وسلمت على ايده الممدوده بس هو شدني  عنده 

واخذني بالحضن وقال لي السلام عندنا بيبقى كده يا ماجد ..

 مش عارف ليه حسيت انى احساسي مرتاحه له قوي راجل عجوز جدا بس بشوش 

قوي حابب  الحياه مع انه كفيف قالى مرحب قول لي بقى ايه مشكلتك يا عم ماجد 

لقيت نفسى بحكي له كل حاجه .. حكيتله عن مريم وحبي لها حكيتله عن كسرت 

نفسي ووجعي حط ايده على ذقنه وقالى بحكمه  ..القلوب بين يدي الله ..

 قلت له بحزن كنت عارف انك هتقول كده قال لي بزعيق انت بتقا طعنى ليه يا ولد 

انا لسه ما كملتش كلامي قلت بيني وبين نفسي .. ولد .. ايه الراجل الغريب ده كمل 

كلامه وقالى فيه حل واحد لمشكلتك بس يا ترى هتقدر عليك قلت له قولي بسرعه 

اقدر على اي حاجه بس من غير ما ااذيها ..

قال لي بغضب ومين قال لك يا ابني ان احنا بنأذى الناس لو مش واثق فياريت تمشي 

بصراحه كنت متردد وخايف وفي نفس الوقت عندي فضول اعرف هيعمل ايه ده 

بيقول لي عنده حل يعني ممكن مريم تبقى لي و تحبني زي ما بحبها تخيلت نفسي 

معاها يوم فرحنا فرح و هيصه ولمه والكل فرحان ..

قلت له على طول بدون تردد موافق يا شيخ على كل اللي هتقوله ..

الطريق واحنا راجعين كان طويل جدا هيثم كان نائم وانا مش قادر ابطل تفكير في 

كلام عم حكيم معقول كلامه ده صح بصراحه الراجل ما قالش حاجه تخوف بس 

برضه كلامه غريب قوي هو في كده دة ... قال لى بص يا ماجد قبل اي حاجه لازم 

تكون مواظب على صلواتك الخمسه قلت له الحمد لله مواظب يا شيخنا ابتسم وقال 

لي تمام اوي ..

 اللي هتعمله زياده انك هتصلي كل يوم قبل الفجر ركعتين قيام وتدعي يا رب كل 

اللي تتمناه بس خذ بالك لو فوت يوم هتصلي اليوم اللي بعده اربع ركعات وكل ما 

تفوت ايام  هتعوضها في الايام اللي بعدها .. كنت مستغربه اوي ما انا عارف انا لو 

دعيت ربنا بقى خلاص اكيد ربنا هيكرمني .. بس الفكره ان ما عنديش الاخلاص 

الحقيقي في العباده امال انا اصلا جاي له ليه ..

قلتله باستغراب ما انا عارف كل الكلام ده فين بقى الحل قال لي شكلك كده هتتعبنى 

يا ولد اصبر وانت هتعرف كل حاجه بعد ماتعمل كل اللى قلت لك عليه هنستخدم 

السحر بتاعنا بامان .. اتخضيت من الكلمه .. سحر ..  يا ترى اللي باعمله ده صح 

ولا غلط انا خائف مريم تتاذى ...

 فضلت ساكت مش عارف اقول له ايه بس هو كمل وقال لي الاول بس عايز اعرف 

هي حبيبتك لما بتفرح زياده عن اللزوم بيحصل لها ايه قلت له باستغراب مش فاهم 

قصدك يا شيخ قال لي بعصبية  .. كل واحد مننا لما بيفرح او بيحزن زياده عن 

اللزوم بيحصل له حاجه معينه في ناس مثلا بتعيط وناس شهيتها بتقل وغيرهم 

شهيتهم بتزيد قلت له بسرعه ايوه فهمتك  ...

مريم دموعها قريبه جدا لو فرحت تعيط و لو حزنت برضه تعيط قال لى بفرحه تمام 

انا بقى عايزها تعيط من الفرحه كل اسبوع وبالتحديد كل يوم جمعه و لازم انت اللي  

تفرحها واهم حاجه تخليها تمسح دموع الفرحه بالمناديل اللي هديهالك دي  وتجمعهم 

لحد ما يبقوا 12 منديل و تجيبهم وتيجي عندي وبعدها على طول مريم هتبقى ليك 

اخذت منه علبه المناديل  .. وقلت له باستغراب لازم من المناديل دي ما ينفعش اي 

مناديل ثانيه  .. قال لى بتحذير اوعي اوعي تستخدم اي مناديل ثانيه انا حذرتك وما 

ليش دعوه .

 هيثم صحي من النوم ولقانى شارد قال لى و هو بيطبطب على ما تقلقش يا ماجد ما 

فيش حد نفذ كلام عم حكيم الا و خاطره اتجبر  قلت له بس انا قلقان جدا من موضوع 

سحر المناديل ده خايف اكون باذيها من غير ما اقصد .. قال لي بثقه .. صدقني عم 

حكيم اخر واحد ممكن ياذى .

وصلت البيت و كلام هيثم بيرن في وداني ما فيش حد نفذ كلام عم حكيم الا و خاطره 

اتجبر يعني لو جربت انا كمان اكيد خاطري هيتجبر وبالفعل قررت انى انفذ كل 

كلامه ..!

وبالصدفه كنا يوم الخميس وفعلا نفذت ثاني يوم على طول ثاني يوم بعد الصلاه 

طلعت عند عمي كنا قاعدين كلنا مع بعض .. بس مريم برضو لسه واخده مني موقف 

وفجاه حصلت حاجه فتحت لى السكه عشان انفذ خطتى بسهوله .. مريم قالت لعمي 

يا بابا عشان خاطري فكر ثاني في الموضوع دى صاحبه عمري ازاي بس ما 

احضرش فرحها .. 

عمي قال لها مش هينفع يا مريم انت عارفه ان العربيه لسه ما اتصلحتش قالت له 

بحزن و الدموع في عنيها نروح مواصلات يا بابا رد علىها وقال لها انا مش فاضي 

وانت عارفه كده كويس و اخوك مش راضي يروح معاك جريت مريم على اوضتها 

وهي حزينه قوى اللي فهمته ان فرح صاحبتها في بلد بعيدة عننا وانها نفسها تروح و 

محمد اخوها مش راضي يروح معاها وطبعا كانت فرصه هائله جدا و بالفعل اقنعت 

محمد ان احنا نوديها واللي سهل الموضوع ان عربيتى موجوده وبعد محاولات وزن 

كثير محمد وافق .. ونادى على مريم و قال لها وكعادتها اول ما سمعت عيطت ايوه 

والله عيطت من الفرحه  .

 اديتها بسرعه منديل من اللى معايا وقلت لها خلاص بقى كفايه عياط يلا امسحي دموعك وبالفعل خدته .. ومسحت دموعها وبعدها رمت المنديل على الترابيزه و جريت بسرعه عشان تستعد .. 

وطبعا انا اخذت المنديل من غير ماحد ياخد باله وكل اسبوع كنت باعمل مع مريم 

موقف شكل .. كل اسبوع كنت بخلى مريم تعيط من الفرحه وفي الاخر اخذ المنديل 

من غير ما حد يحس بيا و طبعا كنت مواظب على صلاتي وقيام الليل لغايه ما عدت 

ثلاث شهور وبقى معايا 12 منديل فيهم دموع مريم .. بس دموعها من الفرحة وبس 

 الغريب ان فعلا انى بدات احس انها تغيرت مش عارف ليه نظراتها ناحيتى اتبدلت 

كنت حاسس اني بتعامل مع مريم جديده .. معقول معقول السحر يكون فعلا بدا 

يشتغل .. 

وبعد ثلاث شهور رحت لعم حكيم سلمته المناديل وحكيت له كل اللي حصل فرح جدا 

 وقال لي انت كده نفذت السحر بحذافيره  مبروك عليك مريم فاتحها بكره في 

الموضوع وان شاء الله ردها هيبقى بالقبول قلت له بلهفه بتتكلم بجد يا شيخنا بجد 

بجد قال لي جرب وانت هتشوف .. 

بس خذ بالك اوع تبطل اللي بتعمله ولو بطلت انا مش مسؤول ممكن تقلل اه بس اياك 

تمنع خالص يا ابني وفعلا تانى يوم استنيت مريم فى نفس المكان اللي استنتها فيه 

من ثلاث شهور تحت البيت واول لما جت .. قلت لها ... تتجوزيني يا مريم ..

ضحكت بكسوف وهزت راسها انها موافقه واتجوزنا وعشت معاها اجمل ايام 

حياتي ..

 و طبعا كنت بنفذ السحر بتاع عم حكيم باستمرار مش زي الاول طبعا بس برضه ما 

منعتش وعدي ثلاث سنين و بقى عندنا سيلا اجمل بنوته في العالم ومع الوقت و 

دوشه الحياه ومسئوليتها بطلت انفذ السحر اصل خلاص ما هي بقت مراتي وام بنتي 

يعني اللي بيننا اكبر من كل ده بس لو كنت اعرف اللي هيحصل ما كنتش بطلت ابدا 

.

مش عارف ليه المشاكل بيننا ابتدت تزيد قوي خلافات وخناقات على الفاضي 

والمليان لدرجه اني فعلا بدات اتخنق منها ما كنتش بطيق قاعده البيت نهائي و اخر 

المطاف وصلنا للطلاق وهو ده كان الحل الوحيد بس اكتشفت بعديها انه مش حل ابدا 

انا لسه باحب مريم يمكن المشاكل خلت الحب والمشاعر يقلوا بس لما بعدت عني 

حسيت اني من غيرها ولا حاجه يا ترى احنا ليه وصلنا لكده على طول يا ترى اللي 

جاي هيكون ايه..؟

 جه فى بالي على طول سحر عم حكيم اكيد هو السبب في كل ده عشان كده لازم 

اروح له باي شكل ثاني يوم  سافرت لعم حكيم واول لما وصلت ابنه قابلني وقالي انه 

تعبان ومش هاعرف اقابله اتخانقت معاه وقلبت الدنيا ومن كتر القلق اللي عملته 

وافق اني ادخل له بس بشرط ان ما طولش عنده ..

ولما دخلت  كان شكله تعبان قوى قربت منه قلت له ازيك يا شيخ انا ماجد فاكرني  

ضحك وقال لي ازيك يا ولد كده ما تسالش على طول الفتره دي حكيت لي كل اللي 

حصل معايا قلت له ان بصراحه مش واثق في السحر بتاعه وان لازم تشوف لى 

حل ..

قاللى بهدوء سحر ايه يا ابني اللي بتتكلم عليه هو انت صدقت انا كنت بريحك بس 

..كلامه صدمني قلت له .. ازاي يعني والمناديل اللي كنت باخدها منك و مريم اللي 

وافقت على طول تتجوزني بعد ما جمعت لها  الـ 12 منديل لما وبطلت اعمل كده 

اتطلقنا .. 

قال لي كلام خضني و فوقني في نفس الوقت هو فعلا سحر بس مش سحر  دى 

مناديل عاديه موجود منها في كل المحلات دة سحر الموده والرحمه فكرة المناديل 

جت لى بعد ما عرفت منك ان دموعها قريبه مجرد خدعة ليك انت علشان اشجعك 

السحر الحقيقي كان فى صلاتك وقيامك ..

 وطبعا في معاملتك الطيبه لها الست يا ابني مشاعرها هي اللي بتحركها عشان كده 

سهل قوي ان حد يملك قلبها بيتهيالي انت جربتها بس نصيحه مني اتقي الله عشان 

دايما تلاقي لك مخرج  ... مشيت من عنده وانا مرتاح جدا فعلا انا لما كنت بهتم بها 

كانت حياتنا جنه مجرد معنويات بسيطه كانت بتفرق جدا كلمه حلوه خروجه كل 

فتره يكفي كلمه تسلم ايدك بعد كل اكله..

 رجعت انفذ السحر ثاني بس المره دي من غير مناديل المره دي السحر كان اسمه 

الموده والرحمه ورجعنا ثاني انا ومريم وحياتنا بقيت احلى من الاول و بدل ما كان 

عندنا سيلا بقى دلوقتي سيلا وسيف ..

وبعد مده قصيره عرفت ان عم حكيم مشي من الدنيا خالص زعلت عليه من قلبي لو 

الناس بس يبقى عندها نصف حكمته الدنيا كانت هتبقى جنه .....

وما ينفعش ننسى ابدا كلام ما نبينا لما قال استوصوا بالنساء خيرا صدق رسول الله 

صلى الله عليه وسلم .